ആവേശത്തോടെയുള്ള കാത്തിരിപ്പിന് വിരാമമിട്ടുകൊണ്ട് ഏഷ്യാ കപ്പ് ട്വൻ്റി20യ്ക്ക് ഇന്ന് തുടക്കം.ആദ്യ മത്സരം ആരംഭിക്കുന്നത് ശ്രീലങ്കയും അഫ്ഗാനിസ്ഥാനും തമ്മിലാണ്.7.30 ന് ആണ് മത്സരം.ആറ് ടീമുകളാണ് ടൂർണമെൻ്റിൽ മത്സരിക്കാൻ ഒരുങ്ങുന്നത്.

ഇന്ത്യയും പക്കിസ്ഥാനും ഹോങ്കോങുമാണ് ഗ്രൂപ് എ പോരാളികൾ.ശ്രീലങ്കയും ബംഗ്ലാദേശും അഫ്ഗാനിസ്ഥാനും ഉൾപ്പെടുന്നതാണ് ഗ്രൂപ്പ് ബി. ഗ്രൂപ്പ് എ മത്സരം കൂടുതൽ ആവേഷകരമാകും എന്നതാണ് ആരാധകരുടെ പ്രതീക്ഷ. ആരാധകർ അക്ഷമരായി കാത്തിരിക്കുന്ന ഇന്ത്യ-പാക്കിസ്ഥാൻ പോരാട്ടം ഞായറാഴ്ചയാണ് നടക്കാനിരിക്കുന്നത്. സൂപ്പർ ഫോർ റൗണ്ടിലും ഇന്ത്യാ-പാക്കിസ്ഥാൻ മത്സരങ്ങൾ നടക്കും.ഫൈനലിൽ ഇരു ടീമുകളും എത്തിയാൽ ക്രിക്കറ്റ് ആരാധകർ കാത്തിരുന്ന മിന്നൽ പ്രകടനത്തിന് ഏഷ്യാ കപ്പ് വേദിയാകും.